Բան ՁԹ

Աստված և Տեր, կյանք և Արարիչ,

Ողորմած, գթած, լույս երկայնամիտ,

Անոխակալ, մարդասեր, ամենագութ,

Պարգևատու, փրկիչ,

Օրհնյա՜լ, գովյալ և բարեբանյալ։

Ապաստարան ամրության, վստահելի պատսպարան,

Բարություն՝ առանց նենգության,

Ճառագայթ՝ առանց խավարի,

Քավիչ մեղքերի, բուժիչ վերքերի,

Անհնարինների հնարք, անմատույցներում՝ մոտիկ,

Անհուսության ելք,

Անունդ խոստովանված՝ Աստուծո Որդի։

Քեզ և ահավոր ու հզոր Հորդ

Եվ քեզ հետ երկրպագելի ամենակալ Հոգուդ

Փա՜ռք ու պաշտոն գոհաբանության

Հավիտյանս. ամեն։